Career Guidance

SSLC - 2012

2012-01-25T08:27:00.003+05:30

2012 ലെ എസ്.എസ്.എല്‍.സി പരീക്ഷ മാര്‍ച്ച് 12 മുതല്‍ 24 വരെ നടക്കും. കഴിഞ്ഞവര്‍ഷത്തെ അപേക്ഷിച്ച് ഇത്തവണ പരീക്ഷയെഴുതുന്നവരുടെ എണ്ണത്തില്‍ 11,113 വിദ്യാര്‍ഥികളുടെ വര്‍ധനയുണ്ട്. റഗുലര്‍വിഭാഗത്തില്‍ 4,70,000 വിദ്യാര്‍ഥികളാണ് ഇത്തവണ പരീക്ഷയ്ക്കിരിക്കുന്നത്. കഴിഞ്ഞവര്‍ഷം ഇത് 4,58,887 ആയിരുന്നു. ഗള്‍ഫ് മേഖലയില്‍ 10 ഉം ലക്ഷദ്വീപില്‍ 9 ഉം ഉള്‍പ്പെടെ 2758 പരീക്ഷാകേന്ദ്രങ്ങളാണ് ഒരുക്കിയിട്ടുളളത്. വെളളിയാഴ്ചകളില്‍ പരീക്ഷകള്‍ ഇല്ല. എന്നാല്‍, ശനിയാഴ്ചകളില്‍ പരീക്ഷയുണ്ട്. മോഡല്‍ പരീക്ഷ ഫിബ്രവരി 13 മുതല്‍ 21 വരെയാണ് ക്രമീകരിച്ചിട്ടുളളത്.

ഐ.ടി. പ്രാക്ടിക്കല്‍ പരീക്ഷ ഫിബ്രവരി 22 മുതല്‍ മാര്‍ച്ച് 5 വരെ അതത് പരീക്ഷാകേന്ദ്രങ്ങളില്‍ നടത്താനാണ് തീരുമാനം. ഇതുവരെ ഐ.ടി. പ്രാക്ടിക്കല്‍ പരീക്ഷയ്ക്ക് ഹാജരാകാത്ത പ്രൈവറ്റ് വിദ്യാര്‍ഥികള്‍ക്കായി മാര്‍ച്ച് 26-ന് തിരഞ്ഞെടുത്ത പരീക്ഷാകേന്ദ്രത്തില്‍ ഈ പരീക്ഷയും നടത്തും.

ചോദ്യപ്പേപ്പറുകള്‍ മാര്‍ച്ച് 1, 2, 3 തീയതികളിലായി ചീഫ് സൂപ്രണ്ടിന്റെയും ഡെപ്യൂട്ടി ചീഫ് സൂപ്രണ്ടിന്റെയും സാന്നിധ്യത്തില്‍ തരംതിരിച്ച് ദേശസാത്കൃത ബാങ്കുകളിലും ട്രഷറികളിലുമായി സൂക്ഷിക്കും. പരീക്ഷാദിവസം രാവിലെ ഇവ സ്‌കൂളുകളില്‍ എത്തിക്കും. 25000-ഓളം അധ്യാപകരെയാണ് ഇന്‍വിജിലേഷന്‍ ജോലിക്കായി നിയോഗിക്കുക. ഉത്തരക്കടലാസ് മൂല്യനിര്‍ണയം 54 ക്യാമ്പുകളിലായി രണ്ടുഘട്ടങ്ങളിലായിട്ടാണ് നടക്കുക. ഒന്നാംഘട്ടം ഏപ്രില്‍ ഒന്നുമുതല്‍ നാലുവരെയും രണ്ടാംഘട്ടം 9 മുതല്‍ 20 വരെയുമാണ്. 13,000 ഓളം അധ്യാപകരെയായിരിക്കും മൂല്യനിര്‍ണയത്തിനായി നിയോഗിക്കുക. മൂല്യനിര്‍ണയത്തിന് മുന്നോടിയായിട്ടുളള സ്‌കീംഫൈനലൈസേഷന്‍ ക്യാമ്പുകള്‍ മാര്‍ച്ച് 27, 28, 29, 30 തീയതികളിലായി തിരഞ്ഞെടുക്കപ്പെട്ട സ്‌കൂളുകളില്‍ നടക്കും. ഉത്തരസൂചികകള്‍ക്കുളള അവസാനരൂപം നല്‍കുക ഈ ക്യാമ്പുകളിലായിരിക്കും.
(മാതൃഭൂമി വാര്‍ത്ത)

മെഡിക്കല്‍ പൊതുപരീക്ഷ: ആദ്യപരീക്ഷ 2012 മെയ് 13-ന്

2011-11-05T07:31:00.002+05:30

മെഡിക്കല്‍ വിദ്യാഭ്യാസത്തിനുള്ള ദേശീയ പൊതുപ്രവേശന പരീക്ഷയുടെ സിലബസ് പ്രസിദ്ധീകരിച്ചു. മെഡിക്കല്‍ കൗണ്‍സില്‍ ഓഫ് ഇന്ത്യ (എം.സി.ഐ.) യുടെ ഔദ്യോഗിക വെബ്‌സൈറ്റിലാണ് സിലബസ് പ്രസിദ്ധപ്പെടുത്തിയത്. ഫിസിക്‌സ്, കെമിസ്ട്രി, ബയോളജി വിഷയങ്ങളിലെ സിലബസ്സാണ് പ്രസിദ്ധീകരിച്ചത്. അടുത്തവര്‍ഷം മെയ് 13-നാണ് പൊതുപ്രവേശനപരീക്ഷ നടത്തുകയെന്ന് എം.സി.ഐ. സെക്രട്ടറി ഡോ. സംഗീത ശര്‍മ അറിയിച്ചു.

മെഡിക്കല്‍ വിദ്യാഭ്യാസം മെച്ചപ്പെടുത്താനും പരിഷ്‌കരിക്കാനും ലക്ഷ്യമിട്ടാണ് എം.സി.ഐ. അഖിലേന്ത്യാതലത്തില്‍ ഒറ്റപ്പരീക്ഷ നടത്താന്‍ തീരുമാനിച്ചത്. ആദ്യത്തെ പരീക്ഷയാണ് മെയ് 13-ന് നടക്കുന്നത്. ഇതോടെ സംസ്ഥാനാടിസ്ഥാനത്തില്‍ ഇപ്പോള്‍ നടക്കുന്ന മെഡിക്കല്‍ പ്രവേശനപരീക്ഷകളെല്ലാം അസാധുവാകും. മെഡിക്കല്‍ വിദ്യാഭ്യാസ രംഗത്തെ പ്രവേശനം സംബന്ധിച്ച വിവാദങ്ങള്‍ക്കും ഇതോടെ വിരാമമാകുമെന്നാണ് പ്രതീക്ഷ. സിലബസ് ഇവിടെ നിന്നോ www. mciindia.org എന്ന വെബ്‌സൈറ്റില്‍ നിന്നോ ലഭിക്കും.

State & All india Medical/Engg Entrance Examination

2011-03-20T22:31:00.006+05:30

Entrance Examination will be commence on April 18, 2011 and the Time Table is

Engineering Entrance Examination (For Engineering courses except Architecture)

18.04.2011 Monday 10.00 am to 12.30 pm Paper-I : Physics & Chemistry.
19.04.2011 Tuesday 10.00 am to 12.30 pm Paper-II: Mathematics.

Medical Entrance Examination (For Medical, Agriculture and Veterinary Courses)

20.04.2011 Wednesday 10.00 am to 12.30 pm Paper-I : Chemistry & Physics.
20.04.2011 Wednesday 2.00 pm to 4.30 pm Paper-II: Biology.

All India Entrance

Dates of Examination

PAPER – 1 01.05.2011 (0930-1230 hrs)
PAPER – 2 01.05.2011 (1400-1700 hrs)

The 10th All India Engineering/Architecture Entrance Examination (offline/pen &
paper), 2011 to be conducted by Central Board of Secondary Education has been
rescheduled from 24.04.2011 to 01.05.2011 (Sunday) due to Easter festival.

Course	Papers
B.E. / B. Tech.	Paper - 1
B. Arch / B. Planning	Paper - 2

Time Schedule

	Paper 1	Paper 2
Dates of Examination	01.05.2011	01.05.2011
a) Entry in the Examination Hall	0900 HRS.	1330 HRS.
b) Distribution of Test Booklet	0920 HRS.	1350 HRS.
c) Seal of the Test Booklet to be broken/opened to take out the Answer Sheet	0925 HRS.	1355 HRS.
d) Last entry in the Examination Hall	0930 HRS.	1400 HRS.
e)Test commences	0930 HRS.	1400 HRS.
f) Test concludes	1230 HRS.	1700 HRS.

കേരള എന്‍ജിനീയറിങ്/മെഡിക്കല്‍ എന്‍ട്രന്‍സ്

2011-01-18T08:08:00.002+05:30

സംസ്ഥാനത്തെ പ്രൊഫഷണല്‍ കോഴ്‌സ് പ്രവേശനത്തിന് അപേക്ഷ ക്ഷണിച്ചുകൊണ്ടുള്ള വിജ്ഞാപനമായി. ഏപ്രില്‍ 18 മുതല്‍ 20 വരെയാണ് പ്രവേശന പരീക്ഷ. എന്‍ജിനീയറിങ് പ്രവേശനത്തിന് യോഗ്യതാ പരീക്ഷയായ ഹയര്‍ സെക്കന്‍ഡറിയുടെ മാര്‍ക്ക്കൂടി പ്രവേശന പരീക്ഷയുടെ മാര്‍ക്കിന് തുല്യമായി പരിഗണിക്കുമെന്നതാണ് ഇപ്രാവശ്യത്തെ പ്രധാനമാറ്റം. അടുത്ത വര്‍ഷംമുതല്‍ മെഡിക്കല്‍ പ്രവേശനത്തിനും പ്ലസ് ടു മാര്‍ക്ക് പരിഗണിക്കുമെന്ന് മന്ത്രിമാരായ എം.എ. ബേബിയും പി.കെ. ശ്രീമതിയും പത്രസമ്മേളനത്തില്‍ പറഞ്ഞു.

എന്‍ട്രന്‍സ് പരീക്ഷാ പരിഷ്‌കരണബില്‍ അടുത്ത നിയമസഭാ സമ്മേളനത്തില്‍ അവതരിപ്പിക്കാനാണ് സര്‍ക്കാര്‍ ആഗ്രഹിക്കുന്നത്. പട്ടികജാതി, വര്‍ഗ വിദ്യാര്‍ഥികള്‍ക്ക് എന്‍ട്രന്‍സ് പരീക്ഷ ഒഴിവാക്കണമെന്ന നിര്‍ദേശം ബില്ലില്‍ ഉള്‍പ്പെടുത്താന്‍ ശ്രമിക്കും. എന്‍.ആര്‍.ഐ. കുട്ടികള്‍ക്ക് പ്രവേശനപരീക്ഷ ഒഴിവാക്കാമെങ്കില്‍ സാമൂഹ്യപരമായും മറ്റും പിന്നാക്കം നില്‍ക്കുന്ന പട്ടിക വിഭാഗങ്ങള്‍ക്ക് പരീക്ഷ ഒഴിവാക്കി നല്‍കുന്നതില്‍ തെറ്റില്ല. അവര്‍ക്ക് പ്രവേശന പരീക്ഷയെന്ന കടമ്പ കടക്കാനാകുന്നില്ല. നിയമസഭയുടെ ബജറ്റ് സമ്മേളനത്തില്‍തന്നെ ബില്‍ അവതരിപ്പിക്കാനാണ് ഉദ്ദേശിക്കുന്നതെന്നും മന്ത്രിമാര്‍ പറഞ്ഞു.

നിയമസഭയില്‍ ബില്‍ അവതരിപ്പിച്ചശേഷം കേന്ദ്ര സര്‍ക്കാരിന്റെയും മെഡിക്കല്‍ കൗണ്‍സിലിന്റെയും അംഗീകാരവും തേടും.

അപേക്ഷാഫോറവും പ്രോസ്‌പെക്ടസും ജനവരി 19 മുതല്‍ ഫിബ്രവരി 14 വരെ സംസ്ഥാനത്തിനകത്തുള്ള 160 ഉം പുറത്തുള്ള എട്ടും പോസ്റ്റ് ഓഫീസുകള്‍ വഴി ലഭിക്കും. ജനറല്‍വിഭാഗത്തിന് 700 രൂപയും എസ്.സി., എസ്.ടിക്ക് 350 രൂപയുമാണ് ഫീസ്. വാര്‍ഷിക വരുമാനം 40000 രൂപയില്‍ താഴെയുള്ള എസ്.സി.,എസ്. ടിക്കാര്‍ക്ക് ഫോറം സൗജന്യമായി ലഭിക്കും. ഇതിനായി ജാതി, വരുമാന സര്‍ട്ടിഫിക്കറ്റുമായി പട്ടികവര്‍ഗ വികസന ജില്ലാ ഓഫീസുമായി ബന്ധപ്പെടണം.

സംവരണത്തിന് അര്‍ഹതയില്ലാത്തവര്‍ക്ക് www.cee-kerala.org എന്ന വെബ് സൈറ്റിലൂടെ ഓണ്‍ലൈനായും അപേക്ഷ സമര്‍പ്പിക്കാം. അപേക്ഷയുടെ പ്രിന്‍റഔട്ട് എടുത്ത് എസ്.ബി. ടിയില്‍ 700 രൂപയടച്ച രസീതും ആവശ്യമായ സര്‍ട്ടിഫിക്കറ്റുകളും സഹിതം പരീക്ഷാ കമ്മീഷണര്‍ക്ക് അയയ്ക്കണം.

പരീക്ഷയെക്കുറിച്ചുള്ള വിവരങ്ങള്‍ www.cee-kerala.org എന്ന സൈറ്റിലും 0471-2115311,2115312,2115313 എന്ന നമ്പറുകളില്‍ നിന്നും അറിയാം. (മുകളിലെ വാര്‍ത്തയ്ക്ക് മാതൃഭൂമി ഓണ്‍ലൈന് കടപ്പാട്)

Downloads

18-01-2011	Prospectus for Kerala Engineering And Medical Entrance Exam 2011
18-01-2011	Time Table for Kerala Engineering And Medical Entrance Exam 2011
18-01-2011	Notification for Kerala Engineering And Medical Entrance Exam 2011English - Malayalam
18-01-2011	How Normalization of marks is done
18-01-2011	List of Post Offices from where Application Forms are sold List in English - List in Malayalam
18-01-2011	Entrance Exam: GO about the Prospectus for Admission to Professional Degree Courses 2011
18-01-2011	Entrance Exam: Normalization Committee Expansion
18-01-2011	Entrance Exam Reforms for Engineering stream

എസ്.എസ്.എല്‍.സി പരീക്ഷ മാര്‍ച്ച് 14 മുതല്‍ 27 വരെ

2011-01-02T14:53:00.004+05:30

2011 ലെ എസ്.എസ്.എല്‍.സി പരീക്ഷ മാര്‍ച്ച് 14 മുതല്‍ 27 വരെ നടത്തും. മോഡല്‍ പരീക്ഷ ഫിബ്രവരി 14 മുതല്‍ 22 വരെ നടക്കും. ടി.ടി.സി. മോഡല്‍ പരീക്ഷയും ഈ തീയതികളിലായിരിക്കും നടക്കുക. മറ്റ് ക്ലാസുകളിലെ പരീക്ഷ മാര്‍ച്ച് ഏഴുമുതല്‍ 30 വരെയുള്ള കാലയളവില്‍ നടക്കും. പൊതുവിദ്യാഭ്യാസ ഡയറക്ടറുടെ അധ്യക്ഷതയില്‍ ചേര്‍ന്ന വിദ്യാഭ്യാസ ഗുണനിലവാര പരിശോധനാസമിതിയാണ് തീരുമാനമെടുത്തത്.

എസ്.എസ്.എല്‍.സി പരീക്ഷാച്ചുമതലയുള്ള ചീഫ് സൂപ്രണ്ട്, ഡെപ്യൂട്ടി ചീഫ് സൂപ്രണ്ട്, ക്ലര്‍ക്ക്, പ്യൂണ്‍ എന്നിവര്‍ക്ക് പ്രതിദിനം ഒരു ഡി.എയും ഇന്‍വിജിലേറ്റര്‍മാര്‍ക്ക് പകുതി ഡി.എ.യും അനുവദിക്കാന്‍ തീരുമാനമായിട്ടുണ്ട്.
ഈ വര്‍ഷത്തെ എസ്എസ്എല്‍സി മോഡല്‍ പരീക്ഷ ഫെബ്രുവരി 14നു തുടങ്ങി 22ന് അവസാനിക്കും.എസ്എസ്എല്‍സി പരീക്ഷ മാര്‍ച്ച് 14 മുതല്‍ 26 വരെയായിരിക്കുമെന്നു നേരത്തേ പ്രഖ്യാപിച്ചിരുന്നു. വെള്ളിയാഴ്ചകളില്‍ പരീക്ഷ ഒഴിവാക്കി പകരം ശനിയാഴ്ച നടത്തും. എട്ട്, ഒന്‍പത് ക്ളാസുകളുടെ വാര്‍ഷിക പരീക്ഷ മാര്‍ച്ച് ഏഴിനു തുടങ്ങി 30ന് അവസാനിക്കും. ഇടയ്ക്ക് എസ്എസ്എല്‍സി പരീക്ഷ നടക്കുന്ന ദിവസങ്ങളില്‍ ഇവര്‍ക്കു പരീക്ഷയില്ല. പരീക്ഷാ തയാറെടുപ്പുകള്‍ പൊതു വിദ്യാഭ്യാസ ഡയറക്ടര്‍ മുഹമ്മദ് ഹനീഷിന്റെ അധ്യക്ഷതയില്‍ ചേര്‍ന്ന ക്യുഐപി മോണിറ്ററിങ് സമിതി യോഗം വിലയിരുത്തി.എസ്എസ്എല്‍സിക്കു ഗള്‍ഫില്‍ 11 കേന്ദ്രങ്ങള്‍ ഉള്‍പ്പെടെ ആകെ 2731 പരീക്ഷാ കേന്ദ്രങ്ങളാണ് ഇത്തവണ ഉണ്ടാവുക. ചോദ്യക്കടലാസ് ഫെബ്രുവരി 22 മുതല്‍ മാര്‍ച്ച് ഒന്നു വരെ തീയതികളിലായി ഡിഇഒ ഓഫിസില്‍ എത്തിക്കും.

ഐടി പ്രാക്ടിക്കല്‍ പരീക്ഷ ഫെബ്രുവരി 23 മുതല്‍ മാര്‍ച്ച് ഒന്‍പതു വരെയാണ്. സ്കൂളുകള്‍ക്കു ഹാള്‍ ടിക്കറ്റുകള്‍ ഫെബ്രുവരി 10 മുതല്‍ ഡൌണ്‍ലോഡ് ചെയ്യാം. ഉത്തരക്കടലാസ് മൂല്യനിര്‍ണയത്തിന് ഇത്തവണ അപേക്ഷ സ്വീകരിക്കുന്നത് ഓണ്‍ലൈന്‍ വഴി ആയിരിക്കും. 54 മൂല്യനിര്‍ണയ ക്യാംപുകളാണ് ഉണ്ടാവുക. മൂല്യനിര്‍ണയം ഏപ്രില്‍ ഒന്നിനു തുടങ്ങി 20ന് അവസാനിക്കും.

എസ്എസ്എല്‍സി മോഡല്‍ പരീക്ഷയുടെ ആദ്യദിനമായ ഫെബ്രുവരി 14നു രാവിലെ മലയാളം ഉള്‍പ്പെടെ ഒന്നാം ഭാഷകളുടെ ഒന്നാം പേപ്പറും, ഉച്ചയ്ക്കുശേഷം ഒന്നാം ഭാഷയുടെ രണ്ടാം പേപ്പറുമായിരിക്കും. 16ന് ഇംഗിഷ്, 17നു സോഷ്യല്‍ സയന്‍സ്/മൂന്നാം ഭാഷ, 18നു രാവിലെ ഫിസിക്സ്, ഉച്ചകഴിഞ്ഞ് ഹിന്ദി, 21നു രാവിലെ കണക്ക്, ഉച്ചകഴിഞ്ഞ് ഐടി, 22നു രാവിലെ കെമിസ്ട്രി, ഉച്ചകഴിഞ്ഞ് ബയോളജി.

പത്രങ്ങളില്‍ നിന്ന് ലഭിച്ച വിവരങ്ങള്‍ പ്രകാരം മോഡല്‍ എക്സാമിനേഷന്‍ തീയതി താഴെ നല്‍കിയിരിക്കുന്നു. ഇതൊരു ഔദ്യോഗിക അറിയിപ്പല്ല.

Kerala SSLC Model Examination February 2011

February 14 – 9.45am to 11.30am - First Language Part 1

– 1.45pm to 3.30pm - First Language Part 2

February 16 – 9.45pm to 12.30pm - Second Language – English

February 17 – 9.45pm to 12.30pm - Social Science

March 18 – 9.45pm to 11.30pm - Physics

– 2.15pm to 4.00pm - Hindi

March 21 – 9.45pm to 12.30 pm - Mathematics

– 1.45pm to 3.00pm - IT

March 22 – 9.45pm to 11.30 am - Chemistry

– 1.45pm to 3.30pm - Biology

Kerala SSLC March 2011 Timetable Given below

March 14 – 1.45pm to 3.30pm - First Language Part 1

March 15 – 1.45pm to 3.30pm - First Language Part 2

March 16 – 1.45pm to 4.30pm - Second Language – English

March 17 – 1.45pm to 3.30pm - Third Language – Hindi/General Knowledge

March 19 – 1.45pm to 3.30pm - Physics

March 21 – 1.45pm to 4.30pm - Mathematics

March 22 – 1.45pm to 3.30pm - Chemistry

March 23 – 1.45pm to 3.30pm - Information Technology (IT)

March 24 – 1.45pm to 4.30pm - Social Science

March 26 – 1.45pm to 3.30pm - Biology

NTSE, NMMS സംസ്ഥാനതല പരീക്ഷകള്‍ 21ന്.

2010-11-10T18:01:00.003+05:30

NTSE, NMMS സംസ്ഥാനതല പരീക്ഷാ തിയ്യതി പ്രഖ്യാപിച്ചു. ഈ മാസം 21ന് തെരഞ്ഞെടുക്കപ്പെട്ട 72 കേന്ദ്രങ്ങളിലാണ് പരീക്ഷ നടക്കുക.
ഈ പരീക്ഷയ്ക്ക് ഒരുങ്ങുന്നതിലേക്കായി ഛത്തീസ്ഘഢില്‍ നിന്നുള്ള നമ്മുടെ സുഹൃത്ത് സഞ്ജയ് ഗുലാത്തി തയ്യാറാക്കിയ വൈവിധ്യമാര്‍ന്ന വര്‍ക്ക് ഷീറ്റുകളുള്‍പ്പെടുത്തിയ പോസ്റ്റ് മാസങ്ങള്‍ക്കുമുമ്പേ പ്രസിദ്ധീകരിച്ചിരുന്നത് കണ്ടുകാണുമല്ലോ? കാലികപ്രാധാന്യം കണക്കിലെടുത്ത് അത് വീണ്ടും പ്രസിദ്ധീകരിക്കുന്നു. വായിക്കുക, പഠിക്കുക.
ദേശീയതലത്തില്‍ എട്ടാംക്ലാസ്സുകാര്‍ക്കായി നടത്തപ്പെടുന്ന NTSE പരീക്ഷയില്‍ കഴിഞ്ഞവര്‍ഷം പ്രതിമാസം 500 രൂപയുടെ സ്കോളര്‍ഷിപ്പ് നേടിയവരുടെ ഗണത്തില്‍ കേരളത്തില്‍ നിന്നുള്ള കുട്ടികളെ മഷിയിട്ടുനോക്കിയിട്ടും കാണാനില്ലത്രെ! പ്രതിഭാധനരായ കേരളത്തിലെ അധ്യാപകര്‍ എന്തേ ഇക്കാര്യത്തില്‍ വേണ്ടത്ര ശ്രദ്ധിക്കാത്തതെന്ന അദ്ദേഹത്തിന്റെ ചോദ്യത്തിനു മുന്നില്‍, അതുവരെ മുഴച്ചുനിന്നിരുന്ന അഭിമാനത്തിന്റേയും അഹങ്കാരത്തിന്റേയും ഊതിവീര്‍പ്പിച്ച ബലൂണ്‍ കാറ്റഴിഞ്ഞുപോയി. മറുപടിവാക്കുകള്‍ക്കുവേണ്ടിയുള്ള തപ്പിത്തടയല്‍ ശ്രദ്ധയില്‍ പെട്ടിട്ടാകണം, ഈ ബ്ലോഗിലൂടെ കുട്ടികള്‍ക്കാവശ്യമായ മാര്‍ഗ്ഗനിര്‍ദ്ദേശങ്ങള്‍ നല്‍കാമെന്ന, വര്‍ഷങ്ങളായി ഇതിന്റെ പരിശീലനപരിചയമുള്ള, സഞ്ജയിന്റെ വാഗ്ദാനം. (അല്ലെങ്കിലും, പ്രതിഭാധനന്മാര്‍ എന്നും നമ്മെ തേടിയെത്തിയത് യാദൃശ്ചികമായിട്ടായിരുന്നു. ഫിലിപ്പ് മാഷ്, ഉമേഷ് സാര്‍, റെസിമാന്‍, അഞ്ജന, കണ്ണന്‍,...തുടങ്ങിയവരെല്ലാം!)

ഈ വര്‍ഷത്തെ NTSE പരീക്ഷയ്ക്ക് മൂന്നുഘട്ടങ്ങളാണുള്ളത്. സംസ്ഥാനതലത്തില്‍ എസ്.സി.ഇ.ആര്‍.ടി നടത്തുന്ന എഴുത്തുപരീക്ഷയെന്ന കടമ്പ കടന്നിട്ടുവേണം അടുത്ത ഘട്ടങ്ങളിലേക്ക് പോകാന്‍. സെപ്റ്റംബര്‍ 15നകം അപേക്ഷിക്കണം. (വിശദവിവരങ്ങള്‍, അപേക്ഷാഫോം എന്നിവയും സഞ്ജയ് അയച്ചുതന്നLearn all about NTSE എന്ന ഉപകാരപ്രദമായ ഫയലും കാണുക).
എട്ടാം ക്ലാസിലെ നമ്മുടെ മിടുക്കന്മാരും മിടുക്കികളും ഈ സ്കോളര്‍ഷിപ്പോടെ പഠിക്കട്ടെ! പരീക്ഷാസംശയങ്ങളും ചോദ്യങ്ങളും ഇംഗ്ലീഷില്‍ കമന്റുചെയ്താല്‍ സഞ്ജയ് സഹായിക്കാമെന്നേറ്റിട്ടുണ്ട്.
Read More | തുടര്‍ന്നു വായിക്കുക

ശാസ്ത്ര പ്രതിഭ മത്സരം

2010-10-06T05:00:00.003+05:30

കുട്ടികളില്‍ ശാസ്ത്ര താല്പര്യം വളര്‍ത്തുന്നതിനും കുട്ടികളിലെ പ്രതിഭയെ കണ്ടെത്താനുമായി ശാസ്ത്ര പ്രസ്ഥാനം ശാസ്ത്ര പ്രതിഭ മത്സരം നടത്തുന്നു.അഞ്ചാം ക്ലാസ്സ്‌ മുതല്‍ പ്ലസ്‌ ടു തലം വരെയുള്ള എല്ലാ കുട്ടികള്‍ക്കും ഇതില്‍ പങ്കെടുക്കാം.പരീക്ഷ മൂന്ന് ഘട്ടങ്ങളിലായി ആണ് നടക്കുക.ആദ്യ ഘട്ടം പരീക്ഷ ജില്ല തലത്തില്‍ ഓരോ ജില്ലയിലെയും തിരഞ്ഞെടുക്കപെട്ട പരീക്ഷ കേന്ദ്രങ്ങളില്‍ നവംബര്‍ 13,2010 നു നടക്കും. ഇതില്‍ വിജയികള്‍ ആകുന്ന കുട്ടികള്‍ക്ക് അടുത്ത ഘട്ടത്തില്‍ പങ്കെടുക്കാം.രണ്ടാം ഘട്ടം പരീക്ഷയും മിക്കവാറും നവംബര്‍ മാസത്തില്‍ തന്നെ നടക്കാന്‍ ആണ് സാധ്യത. ഇതില്‍ വിജയികള്‍ ആകുന്ന കുട്ടികള്‍ക്ക് അടുത്ത ഘട്ടത്തില്‍ പങ്കെടുക്കാം.മൂന്നാം ഘട്ടം പരീക്ഷ ഡിസംബര്‍ മാസത്തില്‍ ആണ് നടക്കുക.രണ്ടു ദിവസത്തെ ക്യാമ്പില്‍ നിന്ന് Debates, Reasoning tests, Interview എന്നിങ്ങനെ ഉള്ള വിവിധ മേഖലകളില്‍ മികവു പുലര്‍ത്തുന്ന രണ്ടു കുട്ടികളെ ശാസ്ത്ര പ്രതിഭകള്‍ ആയി തിരഞ്ഞെടുക്കും. ഇങ്ങിനെ തിരഞ്ഞെടുക്കപെടുന്ന കുട്ടികള്‍ക്ക് Dr. A.P.J.Abdul Kalam,Prof V. N. R. Pillai, Hon. VC of IGNOU, Prof Yash Pal, Dr. Vijay Bhatkar തുടങ്ങിയ ശാസ്തകാരന്മാര്‍ നയിക്കുന്ന വിവിധ ക്ലാസ്സുകളില്‍ പങ്കെടുക്കാനുള്ള അവസരം ലഭിക്കും .കൂടാതെ സ്വര്‍ണ മെഡല്‍, സര്‍ട്ടിഫിക്കറ്റുകള്‍,കാഷ് അവാര്‍ഡുകള്‍ എന്നിവയും ഇതോടൊപ്പം ലഭിക്കുന്നു. ഇതെക്കുറിച്ചുള്ള വിശദവിവരങ്ങള്‍ താഴെ നല്‍കിയിരിക്കുന്നു.
Read More | തുടര്‍ന്നു വായിക്കുക

കേരള പോസ്റ്റല്‍ സര്‍ക്കിളില്‍ പോസ്റല്‍ അസിസ്റ്റന്റ്‌ / സോര്‍ട്ടിംഗ് അസിസ്റ്റന്റ്‌ തസ്തികളില്‍ ഒഴിവുകള്‍

2010-09-20T05:00:00.003+05:30

കേരള പോസ്റ്റല്‍ സര്‍ക്കിളില്‍ പോസ്റ്റല്‍ അസിസ്റ്റന്റ് / സോര്‍ട്ടിംഗ് അസിസ്റ്റന്റ്‌ തസ്തികളില്‍ ഒഴിവുകള്‍ എന്ന വിവരം ശ്രദ്ധയില്‍പ്പെടുത്തുകയാണ് നമ്മുടെ കുടുംബാംഗമായ ഹരിത. നമ്മളറിയുന്നവര്‍ക്ക്, നമ്മുടെ പരിചയക്കാര്‍ക്ക് ഒരു മാര്‍ഗനിര്‍ദ്ദേശം നല്‍കാന്‍ നമുക്ക് കഴിയുമെങ്കില്‍...!! അവരുടെ ശ്രദ്ധയിലേക്ക് ഈ വിവരം എത്തിക്കാന്‍ കഴിഞ്ഞാല്‍...!! അതെ, ഞങ്ങളുടെ ലക്ഷ്യം അത്രയേ ഉള്ളൂ. പ്ലസ് ടൂ വിദ്യാഭ്യാസം വിജയകരമായി പൂര്‍ത്തിയാക്കിയവര്‍ക്കാണ് ഈ ഒഴിവുകളിലേക്ക് അപേക്ഷിക്കാനാവുക. 26 ഡിവിഷനുകളില്‍ ആയി പോസ്റല്‍ അസിസ്റ്റന്റ്‌ തസ്തികയില്‍ 707 ഒഴിവുകളും ആര്‍ .എം .എസ് തസ്തികകളില്‍ 129 ഒഴിവുകളും ആണ് ഉള്ളത്.ഡിവിഷന്‍ ഒഴിവുകളുടെ എണ്ണം ,എന്നിവ താഴെ കാണുന്ന ലിങ്കില്‍ നിന്നും ഡൌണ്‍ലോഡ് ചെയ്തു എടുക്കാം. പ്ലസ്‌ ടു / തത്തുല്ല്യ (വി.എച് .എസ്.സി വിഭാഗത്തെ ഒഴിവാക്കിയിരിക്കുന്നു) യാണ് അപേക്ഷിക്കാനുള്ള വിദ്യാഭ്യാസ യോഗ്യത. 5200-20200 രൂപയാണ് അടിസ്ഥാന ശമ്പളം. പ്രായപരിധി 5-10-2010 ല്‍ 18നും 25നും ഉള്ളിലായിരിക്കണം. അപേക്ഷാഫോമും കൂടുതല്‍ വിവരങ്ങളും താഴെ നല്‍കിയിട്ടുണ്ട്.
Read More ‌| തുടര്‍ന്നു വായിക്കുക

National Standard Examination

2010-09-18T18:04:00.000+05:30

എന്‍. എസ്. ഇ പരീക്ഷകളെക്കുറിച്ച് നമ്മുടെ സ്ഥിര സാന്നിധ്യമായ ഹരിത അയച്ച കമന്റുകള്‍ ഒരു പോസ്റ്റായി കൊടുക്കുന്നു. 2011 ല്‍ വിവിധ രാജ്യങ്ങളില്‍ ആയി നടക്കുന്ന അന്താരാഷ്ട്ര ഫിസിക്സ്‌ ,കെമിസ്ട്രി ,ബയോളജി ,ആസ്ട്രോണമി ഒളിമ്പ്യാഡിലേക്ക് കുട്ടികളെ തിരഞ്ഞെടുക്കുന്നതിന് വേണ്ടി നവംബര്‍ 28 തിയതിയില്‍ +1, +2 കുട്ടികള്‍ക്ക് National Standard Examination നടക്കുന്നു. 1991 ജൂലായ് ഒന്നിനോ അതിനു ശേഷമോ ജനിച്ച കുട്ടികള്‍ക്ക് ഇതില്‍ പങ്കെടുക്കാം. 9,10 ക്ലാസ്സുകളില്‍ പഠിക്കുന്ന പ്രതിഭാധനരായ കുട്ടികള്‍ക്ക് പങ്കെടുക്കാന്‍ കഴിയുന്ന National Standard Examination In Junior Science എന്ന പരീക്ഷയും ഇതോടൊപ്പം നടക്കുന്നു. കേരളത്തിലെ പരീക്ഷാ കേന്ദ്രങ്ങള്‍ താഴെ കൊടുക്കുന്നു

Read More | തുടര്‍ന്നു വായിക്കുക

ബ്ലോഗര്‍ ജിക്കൂസ് : ഉപരിപഠനത്തെപ്പറ്റി

2010-05-05T04:55:00.001+05:30

ജിക്കൂസ് എന്ന പേരില്‍ ബ്ലോഗെഴുതുന്ന ജിക്കു വര്‍ഗീസ് ജേക്കബിനെ അറിയുമോ? സത്യാന്വേഷകന്‍ എന്നതാണ് ജിക്കുവിന്റെ ബ്ലോഗ്. കോട്ടയം പാമ്പാടി ക്രോസ്റോഡ്സ് ഇംഗ്ലീഷ് എച്ച്.എസ്.എസിലെ പ്ലസ് ടു വിദ്യാര്‍ത്ഥിയാണ് കക്ഷി. മാത്‍സ് ബ്ലോഗില്‍ മുന്‍പ് പ്രസിദ്ധീകരിച്ച ഒരു പോസ്റ്റില്‍ ലളിത ടീച്ചര്‍ എഴുതിയ 'എസ്.എസ്.എല്‍.സി കഴിഞ്ഞാല്‍'‍എന്ന ലേഖനം വായിച്ചതിനു ശേഷം കൂട്ടിച്ചേര്‍ക്കാന്‍ ആഗ്രഹിച്ച കുറച്ചു കാര്യങ്ങള്‍ ജിക്കു ബ്ലോഗ് ടീമിന് മെയില്‍ ചെയ്തിരുന്നു. ഒരു പ്ലസ് ടു വിദ്യാര്‍ത്ഥി തന്‍റെയും കൂട്ടുകാരുടെയുമെല്ലാം അനുഭവത്തില്‍ നിന്നും മനസ്സിലാക്കിയെടുത്ത കാര്യങ്ങളാണ് ഇവിടെ അവതരിപ്പിക്കുന്നത്. പ്ലസ് ടൂ, എന്‍ട്രന്‍സ് എന്നിവയ്ക്ക് മുന്നിട്ടിറങ്ങുമ്പോള്‍ എന്തെങ്കിലും പുനര്‍വിചിന്തനം നടത്തേണ്ടതുണ്ടോ? എസ്.എസ്.എല്‍.സി പരീക്ഷയെഴുതിയ വിദ്യാര്‍ത്ഥിയോ വിദ്യാര്‍ത്ഥിയുടെ രക്ഷിതാവോ ആണോ നിങ്ങള്‍? എങ്കില്‍ നിങ്ങളിത് വായിച്ചിരിക്കണം.ചുറ്റുപാടുകളില്‍ നിന്നും നമുക്ക് ലഭിക്കുന്ന ഉപരിപഠന ഉപദേശങ്ങള്‍ യഥാര്‍ത്ഥത്തില്‍ പക്വതയാര്‍ന്നതോ യാഥാര്‍ത്ഥ്യം ഉള്‍ക്കൊള്ളുന്നതോ ആണോ? ക്ഷമയോടെ ജിക്കുവിന്റെ വാക്കുകള്‍ ശ്രദ്ധിക്കൂ. പ്രശ്നം അവതരിപ്പിക്കുമ്പോള്‍ പലപ്പോഴും ജിക്കുവിന് ഒരു പ്ലസ് ടൂ വിദ്യാര്‍ത്ഥിയേക്കാളുമപ്പുറം ഒരു പക്വതയാര്‍ന്ന ശബ്ദം കൈമുതലായി വരുന്നത് നമുക്ക് കാണാനാകും.

നൂറു ശതമാനം സാക്ഷരത എന്ന് ലോകം മുഴുവന്‍ ബാനര്‍ ഒട്ടിച്ചു നടക്കുന്ന ഒരു കൂട്ടം ആളുകളാണ് നാം മലയാളികള്‍ .വിദ്യാ സമ്പന്നര്‍ എന്ന് മറ്റുള്ളവരും അതിനെക്കാളുപരി നമ്മളും പുകഴ്ത്തുന്ന നാം തന്നെ ഇന്ന് വളര്‍ന്നു വരുന്ന തലമുറയുടെ മുന്നില്‍ പുസ്തകങ്ങളിലെ അറിവ് മാത്രം നല്‍കി കടമ കഴിക്കുന്നില്ലേ എന്ന് ഒരു വട്ടം ആലോചിക്കാനുള്ള സമയം അതിക്രമിച്ചിരിക്കുന്നു.ലോകം പ്രൊഫഷണല്‍ ആയി ചിന്തിക്കാന്‍ തുടങ്ങിയതിന്റെ പ്രഭാവം ഇനിയും നമ്മുടെ വിദ്യാഭ്യാസ രീതിയില്‍ എത്തിയിട്ടില്ല എന്ന് സമ്മതിക്കാതെ വയ്യ .മറ്റു രാജ്യങ്ങളില്‍ തൊഴില്‍ അധിഷ്ഠിത വിദ്യാഭ്യാസത്തിനു പ്രാധാന്യം നല്‍കുമ്പോള്‍ നാം ഇപ്പോഴും സ്പൂണ്‍ ഫീഡിംഗ് രീതി പൂര്‍ണമായും ഉപേക്ഷിച്ചിട്ടില്ല .അഥവാ ഉപേക്ഷിച്ചു എന്ന് നാം അവകാശപ്പെട്ടാല്‍ തന്നെ വിദ്യാഭ്യാസം അതിന്റെ വിശാല വീക്ഷണത്തിലേക്ക്‌ എത്തുന്നുണ്ടോ?

കേരളത്തില്‍ ഇന്ന് ഏറ്റവും കൂടുതല്‍ പ്രാധാന്യം കല്‍പ്പിക്കപ്പെടുന്ന രണ്ടു വിഭാഗമാണ്‌ പത്താം ക്ലാസും പന്ത്രണ്ടാം ക്ലാസും ,ഒരു പക്ഷെ ലോകത്തില്‍ ഏറ്റവും കൂടുതല്‍ പ്രാധാന്യത്തോടെ നടത്തുന്ന രണ്ടു പരീക്ഷകള്‍ .അതില്‍ പാസ്സാകുന്നവര്‍ ഉപരിപഠനത്തിനായി പോകുന്നു. പക്ഷെ ലക്ഷ്യബോധമില്ലാത്ത യാത്രയാണ് അവര്‍ ഇന്ന് ഈ രണ്ടു ക്ലാസുകള്‍ കഴിഞ്ഞു നടത്തുന്നത് എന്ന് പറയുന്നതില്‍ ഒട്ടും അതിശയോക്തിയില്ല ,പത്താം ക്ലാസില്‍ പഠിക്കുന്ന ഒരു കുട്ടിയെ സംബന്ധിച്ച് അവന്റെ ചിന്താധാര ഇന്ന് വളരെ അധികം ഇടുങ്ങിയതാണ്. എന്റെ അഭിപ്രായത്തില്‍ ഇത് തന്നെയാണ് ഇന്നത്തെ വിദ്യാഭ്യാസ മേഖലയുടെ ഏറ്റവും വലിയ ബലഹീനതയും കാരണം ചെറിയ ക്ലാസുകള്‍ പഠിച്ചു വന്ന അവന്‍ അതിന്റെ ബാക്കിയെന്നോണം പത്താം ക്ലാസില്‍ എത്തുന്നു ,ലോകം എന്തെന്ന് അവന്‍ അറിയുന്നില്ല. അല്ലെങ്കില്‍ പത്താം ക്ലാസ് എന്ന കടമ്പയുടെ മുന്നില്‍ ജീവിതം എന്നത് അവന്‍ മറക്കുന്നു അതിനാല്‍ പത്താം ക്ലാസ് രക്ഷപെടാന്‍ ഒരു ശ്രമം എന്നല്ലാതെ വേറെ ഒരു നീക്കവും അവന്റെ ഭാഗത്ത്‌ നിന്ന് ഈ സമയം ഉണ്ടാകുന്നില്ല ,പത്താം ക്ലാസിലെ പരീക്ഷക്ക്‌ അവന്‍ നന്നായി പഠിച്ചു എഴുതുന്നു ,പത്തു എ പ്ലസ്‌ അല്ലെങ്കില്‍ ഒമ്പത് എ പ്ലസ്സുമായി അവന്‍ നാട്ടിലും വീട്ടിലും തിളങ്ങുന്നു സ്വീകരണ യോഗങ്ങള്‍,സമ്മാനങ്ങള്‍ ഒക്കെയായി ഭൂമി മുഴുവന്‍ കീഴടക്കിയ ഒരു തോന്നല്‍ ,കിണറ്റില്‍ കിടക്കുന്ന തവളയുടെ അവസ്ഥ എന്ന് വേണമെങ്കില്‍ പറയുന്നതാവും ശരി ,ഒടുവില്‍ അവധിയുടെ അതിപ്രസരത്തിലും അനുമോദന യോഗങ്ങളുടെ കൂടുതല്‍ മൂലവും ഉപരി പഠനത്തിനുള്ള യാതൊന്നും അവന്‍ തീരുമാനിക്കുന്നില്ല .

എന്തായാലും കണ്ടു വരുന്നിടത്തോളം ഉപരി പഠനരംഗത്ത് ഭൂരിഭാഗം ആളുകള്‍ക്കും സയന്സിനോട് അടങ്ങാത്ത ഒരു 'അഭിനിവേശമുണ്ട്‌' എന്ന് മനസിലാക്കാം, ആരെങ്കിലും പറഞ്ഞു കേട്ടോ അല്ലെങ്കില്‍ യാത്രാ സൌകര്യമോ നോക്കി ഒരിടം തെരഞ്ഞെടുക്കുന്നു അതുമല്ലെങ്കില്‍ വേറെ ഒരു പഠന ശാഖയെ പറ്റിയോ അറിയാത്തതിനാല്‍ എഞ്ചിനീയറിംഗ് അല്ലെങ്കില്‍ എം ബി ബി എസ് എന്ന രണ്ടു ശാഖകളെ ലോകത്തില്‍ ഉള്ളു എന്ന ചിന്താ തലത്തില്‍ സയന്‍സ് എടുക്കുന്നു ,അത് വരെ അവന്‍ പഠിച്ച ശാസ്ത്രത്തിന്റെ നിലവാരമാണ് അവന്റെ മനസിലുള്ളത് അത് കൊണ്ട് പലരും ഇതിനു തുനിയുന്നു ,വേറെ ഒരു വിഭാഗം വിചാരിക്കുന്നത് സയസിനു മാത്രമേ ഒരു 'സ്കോപ്പ്' ഉള്ളു അല്ലെങ്കില്‍ സമൂഹത്തില്‍ നാം താഴെ തട്ടില്‍ ചിത്രീകരിക്കപ്പെടും അങ്ങനെ പലര്‍ക്കും ഇതൊരു സ്ടാറ്റസിന്റെ പ്രശ്നം ആയി രൂപാന്തരപ്പെടുന്നു. 'പത്താം ക്ലാസില്‍ പത്തു എ പ്ലസ് ഒക്കെയില്ലേ, പിന്നെ ഇതാണോ പ്രയാസം?' എന്ന ഒരു അഹങ്കാരം പലരും ഇതിലേക്ക് നയിക്കുന്നു,മറ്റൊന്ന് ഇന്ന് നിലവിലുള്ള ഏകജാലകത്തിന്റെ അവസാന കളകളായി അവര്‍ ആഗ്രഹിക്കാത്ത വിഷയങ്ങളിലേക്ക് മാറ്റപെടുന്നു.

ചുരുക്കം ആളുകള്‍ കാശിന്റെ സ്വാധീനം മൂലം മാനേജ്‌മന്റ്‌ സീറ്റില്‍ തുമ്പിയെ കൊണ്ട് കല്ലെടുപ്പിക്കും പോലെ മകനെ അല്ലെങ്കില്‍ മകളെ കൊണ്ട് ഭീമമായ ഒരു ഭാരം എടുപ്പിക്കുന്നു അല്ലെങ്കില്‍ മാതാ പിതാക്കളുടെ നിര്‍ബന്ധത്തിനു വഴങ്ങി ഒരു പ്രത്യേക രംഗത്തേക്ക് വരുന്നു. എന്തായാലും ദീര്‍ഘ വീക്ഷണം എന്ന ഒരു കാര്യം ഇവരില്‍ ആര്‍ക്കും ഇല്ല എന്നത് വലിയ ഒരു പ്രശനമാണ് ,ഏറ്റവും ഒടുവില്‍ നൂറില്‍ ഒന്നോ രണ്ടോ പേര്‍ മാത്രം വളരെ വിദഗ്ദ്ധമായി ഉപരി പഠനത്തിനുള്ള വിഷയം തെരഞ്ഞെടുക്കുന്നു.ബാക്കിയുള്ള ഭൂരിപക്ഷത്തിനും കരിയറിനെ കുറിച്ച് യാതൊരു സങ്കല്‍പ്പവും ഉണ്ടാകുന്നില്ല . വെറുതെ എന്തൊക്കെയോ പഠിക്കുന്നു ,ചുറ്റും എന്തൊക്കെയോ നടക്കുന്നു ഒന്നും കാണുന്നില്ല കേള്‍ക്കുന്നില്ല.എങ്ങോട്ടോ ലക്ഷ്യ ബോധമില്ലാത്ത യാത്ര 'എന്തോ ആണെന്ന മട്ടില്‍' അവന്‍ ഹയര്‍ സെക്കണ്ടറി ക്ലാസ്സില്‍ ചെല്ലുന്നു ,അപ്പോള്‍ അറിയാത്ത പിള്ള ചൊറിയുമ്പോ അറിയും എന്ന മട്ടിലാകും കാര്യങ്ങള്‍, ഇത് വരെ പഠിച്ചതൊന്നുമല്ല സയന്‍സ് എന്ന തിരിച്ചറിവാണ് പല സയന്‍സ് വിദ്യാര്‍ത്ഥികള്‍ക്കും ഉണ്ടാവുന്നത് ,ഒരു അര്‍ദ്ധവാര്‍ഷിക പരീക്ഷയോടെ പലരുടെയും ആത്മ വിശ്വാസവും പ്രതീക്ഷയും നശിക്കുന്നു. ഒപ്പം കൌമാരത്തിന്റെ ചോരത്തിളപ്പും കൂടി ചേരുമ്പോള്‍ ഇനി പഠിക്കുന്നതിലും ഭേദം ഉഴപ്പുന്നതാണ് എന്നൊരു തോന്നല്‍ അവനെ വേട്ടയാടും ,അല്ലെങ്കില്‍ അതിലേക്കു അവന്‍ വീഴ്ത്തപ്പെടും. ഒടുവില്‍ ഹയര്‍ സെക്കണ്ടറി പരീക്ഷകളില്‍ പത്തു എ പ്ലസ്സുകാര്‍ വരെ മാര്‍ക്കിനത്തില്‍ രണ്ടക്കം കാണാതെ ആയുധം വെച്ചു കീഴടങ്ങുന്നു .എസ് എസ് എല്‍ സിയില്‍ മികച്ച പ്രകടനം കാഴ്ച വെച്ചവര്‍ തുടര്‍ന്ന് പിന്നോക്കം പോകുന്ന ഭീകരമെന്ന് തോന്നിപ്പിക്കുന്ന അവസ്ഥ സംജാതമാകുന്നതിന്റെ കാരണം വ്യക്തമായി എന്ന് കരുതുന്നു .

പതിവ് പോലെ എന്ട്രന്‍സ് എന്ന കലാപരിപാടിയും സയന്‍സ് കുട്ടികളെ തേടിയെത്തുന്നു ,"അവള്‍ പോകുന്നുണ്ടല്ലോ പിന്നെ നിനക്കെന്താ?" എന്ന നിലപാടാണ് ഈ കാര്യത്തില്‍ മിക്ക മാതാപിതാക്കളും കാണിക്കുന്നത് . ധാരാളം കുട്ടികള്‍ക്ക് നല്ല ഭാവി ഉണ്ടാക്കി കൊടുക്കാന്‍ എന്ട്രന്‍സ് കോച്ചിംഗ് സെന്ററുകള്‍ക്ക് കഴിയുമെങ്കിലും ഇതിന്റെ പിന്നാമ്പുറങ്ങളില്‍ കറുത്ത ഒരു നിഴല്‍ കൂടി ഉണ്ട് എന്നറിയുക . എഞ്ചിനീയറിംഗ് മാത്രമല്ല ജീവിതം ,ജീവിതം നമ്മുടെതാണ്‌,അതിനാല്‍ ഇത്തരം കാര്യങ്ങളിലുള്ള തീരുമാനം പൂര്‍ണമായും നമ്മുടേതായിരിക്കണം. അല്ലാതെ നാട്ടുകാരുടെ പാവയല്ല ഞാന്‍ എന്ന വിശ്വാസം ഉണ്ടായിരിക്കണം.

എന്ട്രന്സിന്റെ ചില പ്രശങ്ങള്‍ ഞാന്‍ കണ്ടത്:

കഠിനതരമായ ഈ പഠനം കുട്ടികളെ അധിക പ്രതിസന്ധിയിലേക്ക് വലിച്ചടുപ്പിക്കുന്നു .ഒരു ഘട്ടത്തില്‍ കഠിനമായ മാനസിക സംഘര്‍ഷം സൃഷ്ടിക്കുന്നു

അവധി ദിനങ്ങള്‍ ലഭിക്കാത്തതിനാല്‍ കുട്ടികള്‍ക്ക് ഒരു മാനസിക ഉല്ലാസം ഇല്ലാതെ വരുകയും അവര്‍ അതിനെതിരേ വളരെ രൂക്ഷമായി പ്രതികരിക്കയും ചെയ്യുന്നു .ഇതിനിടെ ഒരു ചെറിയ പഴുത് ലഭിക്കുമ്പോള്‍ അവര്‍ പരമാവധി മുതലെടുക്കുകയും അസന്മാര്‍ഗിക പ്രവര്‍ത്തനങ്ങളില്‍ പങ്കു ചേരുകയും ചെയ്യുന്നു ..

ഇടവേള ലഭിക്കാത്തതിനാല്‍ കുട്ടികളുടെ ആരോഗ്യ സ്ഥിതി മോശമാകുന്നു .

പഠനഭാരം കൂടുനതിനാല്‍ സ്കൂളില്‍ പഠിപ്പിക്കുന്നതും എന്ട്രന്‍സ് കേന്ദ്രങ്ങളില്‍ പഠിപ്പിക്കുന്നതുംശ്രദ്ധിക്കാന്‍ വിമുഖത കാട്ടുന്നു .

അധിക പഠന ഭാരത്തിന്റെ പേര് പറഞ്ഞു കുട്ടികള്‍ ധാരാളം പണം ദുര്‍വിനിയോഗം ചെയ്യുന്നു അത് പല പ്രശ്നങ്ങള്‍കും കാരണം ആകുന്നു .

അവധിദിനങ്ങളില്‍ പോലും ക്ലാസ്സ് ഉള്ളതിനാല്‍ കുട്ടികളുടെ ആത്മീയ നിലവാരം താഴേക്ക്‌ പതിക്കുന്നു . പഠനഭാരം മൂലം ദൈവം എന്ന ശക്തി ഇല്ല എന്ന് തന്നെ അവര്‍ വിശ്വസിക്കാം

സമൂഹവുമായുള്ള ബന്ധം ഇല്ലാതെയായി ഏകാന്തതയിലേക്ക് കൂപ്പു കുത്തുന്നു .അതിലൂടെ ആശയവിനിമയ ശക്തിയും മറ്റും നഷ്ടപ്പെടുന്നു .

ഒരുവന്റെ സര്‍ഗ്ഗാത്മക കഴിവുകള്‍ക്ക് ഏറ്റവും കൂടുതല്‍ തടസം വരുന്നത് ഈ കാലത്താണ് എന്ന് അവന്‍ മനസിലാക്കും,ഒരുവന്റെ കഴിവ് മറ്റു ഏതെങ്കിലും രംഗത്താണ് എന്ന് അവനു തിരിച്ചറിവുണ്ടായാല്‍ പോലും തിരിച്ചു വരാന്‍ കഴിയാത്ത ഒരു പടുകുഴിയിലേക്ക് ശരാശരി വിദ്യാര്‍ഥി മാറ്റപ്പെടുന്നു. അവന്റെ ഇഷ്ടങ്ങള്‍ ലോകം അംഗീകരിക്കാതെ പോകുന്നത് അവനില്‍ ഉണ്ടാക്കുന്ന മാനസിക സംഘര്‍ഷങ്ങള്‍ ചില്ലറയല്ല. ഇന്ന് പലപ്പോഴും സംഭവിക്കുന്നത്‌ കരിയര്‍ ഗൈഡന്‍സ് ക്ലാസുകള്‍ നോക്കുകുത്തികള്‍ ആയി മാറുന്നു എന്ന കാഴ്ചയാണ് , അത് കൊടുക്കേണ്ടസമയത്തല്ല കൊടുക്കുന്നത് .

ഇപ്പോള്‍ നിലവിലുള്ള അവസ്ഥയനുസരിച്ച് ഭാവി നിര്‍ണയിക്കപ്പെടുന്നത് പന്ത്രണ്ടാം ക്ലാസില്‍ ആണ് എന്നൊരു ധാരണ പലര്‍ക്കും ഉണ്ട്. പക്ഷെ എന്റെ അഭിപ്രായത്തില്‍ അത് തെറ്റാണ്. കാരണം പത്താം ക്ലാസ് കഴിഞ്ഞു അടുത്ത ഹയര്‍ സെക്കണ്ടറി ക്ലാസില്കേക്ക് കയറുമ്പോള്‍ തന്നെ ഒരുവന്റെ ഭാവി ഏകദേശം തീരുമാനിച്ചു കഴിയപ്പെട്ടിരികുകയാണ് എന്നതാണ് വാസ്തവം.പലരുടെയും വാദഗതി അനുസരിച്ച് സയന്‍സ് ബാച്ച് എടുത്തു പ്ലസ് ടൂ കടന്നിട്ട് പിന്നെ വേണമെങ്കില്‍ ഡിഗ്രിക്ക് വേറെ സ്ട്രീമിലേക്ക് മാറാം എന്ന് പക്ഷെ ഇങ്ങനയുള്ള തിരിച്ചു വരവുകള്‍ എത്ര അപൂര്‍വ്വം ആണ് എന്ന് ചിന്തിച്ചു നോക്കുക .

സയന്‍സ് എടുത്തു മുന്നോട്ടു പോകുന്ന കുട്ടികള്‍ അതുമായി ബന്ധപ്പെട്ട കോഴ്സില്‍ എത്തിപ്പെടും,ഒന്നുകില്‍ എഞ്ചിനീയറിംഗ് അല്ലെങ്കില്‍ മെഡിസിന്‍ എന്ന ഒരു സങ്കല്പം മാത്രമാണ് അവര്‍ക്ക് .മറ്റൊരു കോഴ്സുകളെ കുറിച്ചും ആരും അറിവുള്ളവര്‍ അല്ലാത്തതിനാല്‍ 80 % കുട്ടികളും ഇതിലേക്ക് മനസില്ലാമനസോടെ പോകുന്നു. അതിനാല്‍ സംഭവിക്കുന്ന പ്രശങ്ങള്‍ ചില്ലറയല്ല . ഈ കാരണത്താല്‍ ഗുണമേന്മയുള്ള എഞ്ചിനീയറിംഗ് ബാച്ച് അല്ലെങ്കില്‍ എം ബി ബി എസ് ബാച്ച് ഉണ്ടാകുന്നില്ല .പലരും ഇന്ന് വിചാരിക്കുന്നത് എഞ്ചിനീയറിംഗ് എടുത്തില്ലെങ്കില്‍ ഭാവി ഇരുള്‍ അടഞ്ഞു എന്നാണു ,കൊമേഴ്സ്‌ അല്ലെങ്കില്‍ ഹുമാനിറ്റീസ് മന്ദ ബുദ്ധികള്‍ക്ക് ഉള്ളതാണ് എന്ന ഒരു നാലാംകിട വിചാരം എന്ന് തീരുന്നുവോ അന്ന് കുട്ടികള്‍ രക്ഷപെടും എന്നതില്‍ സംശയമില്ല.

ഡിഗ്രീ എന്നത് ഇപ്പോള്‍ കേള്‍ക്കാന്‍ കൂടിയില്ല ,എല്ലാ തൊഴിലുകള്‍ക്കും അതിന്റേതായ മാന്യത ഉണ്ട് എന്നവകാശപ്പെടുന്ന നാം ഇതില്‍ മാത്രം എന്തിനു വിവേചനം കാട്ടണം? എല്ലാ രംഗങ്ങള്‍ക്കും കുട്ടികള്‍ പറയുമ്പോലെ 'സ്കോപ് ' ഉണ്ട് എന്നത് പലര്‍ക്കും അറിയാന്‍ വയ്യാത്ത കാര്യമാണ് ഒരു പക്ഷെ ആ കുട്ടി പുതിയ രംഗങ്ങളെ കുറച്ചു അറിഞ്ഞു വരുമ്പോള്‍ അവന്‍ ഒരിടത്ത് സ്ഥിരമായി മാറിയിരിക്കും എന്നതിനാല്‍ പലരും ഇഷ്ട്ടപെട്ട രംഗത്തേക്ക് പോകാനാവാതെ വിഷമിക്കുന്നു . അതിനാല്‍ ഒരു രംഗത്തും ഗുണമേന്മയുള്ള ഒരു നിരയെ വാര്‍ത്തെടുക്കാന്‍ കഴിയാതെ പോകുന്നു ,ഇതിന്റെ പ്രതിഫലനമല്ലേ ബഹു രാഷ്ട്ര കമ്പനികളുടെ ഇന്റര്‍വ്യൂറൂമുകളില്‍ വെള്ളം കുടിക്കുന്ന മലയാളി ചുണക്കുട്ടികളുടെ പരിതാപകരമായ അവസ്ഥ എന്ന് വിലയിരുത്തേണ്ട സമയം ആയിരിക്കുന്നു .

മാറി മാറി വരുന്ന വിദ്യാഭ്യാസ സമ്പ്രദായങ്ങള്‍ ഒരുവന്റെ അന്ത്യം വരെ ബാധിക്കും എന്നതിനാല്‍ ഇങ്ങനെയുള്ള കാര്യങ്ങള്‍ രാഷ്ട്രീയ അതീതമായിരിക്കണം,ഒപ്പം കരിയര്‍ ഗൈഡന്‍സ് ക്ലാസുകള്‍ പന്ത്രണ്ടാം ക്ലാസുകളില്‍ കൊടുത്തിട്ട് വലിയ പ്രയോജനം ഇല്ല എന്നതാണ് എന്റെ അഭിപ്രായം പത്താം ക്ലാസിനു മുന്‍പ് തന്നെ പഠനക്രമത്തില്‍ ഉള്‍ക്കൊള്ളിക്കണം കാരണം ഏറ്റവും കൂടുതല്‍ ഇതിനെ കുറിച്ച് അറിയേണ്ടത് ഈ സമയത്താണ് അങ്ങനെയൊരു സ്ഥിതിയുണ്ടായാല്‍ പത്താം ക്ലാസ് ആകുമ്പോള്‍ തന്നെ ജീവിതത്തെ കുറച്ചു ഒരു സങ്കല്പം അവനുണ്ടാകും ,അതിനനുസരിച്ച് പഠിക്കാന്‍ ഒരുത്സാഹം ഒക്കെ ഉണ്ടാകും ഒപ്പം സാഹസികമായ പഠന മാറ്റങ്ങള്‍ക്കു ഒന്നിനും പോകേണ്ട കാര്യവുമില്ല, വ്യക്തമായ തീരുമാനവും നിശ്ചയ ബോധം ഉണ്ടെകില്‍ ഉയരങ്ങള്‍ കീഴടക്കാന്‍ നമുക്ക് കഴിയും.

ഒരു പക്ഷെ ഒമ്പതാം ക്ലാസ്,എട്ടാം ക്ലാസുകളില്‍ ആഴ്ചയില്‍ രണ്ടു പീരീഡ്‌ വീതം കരിയര്‍ ഗൈഡന്‍സ് കൊടുക്കാന്‍ ശ്രമിക്കുന്നതും ഒപ്പം അവരുമായി അവരുടെ കഴിവിനെ കുറിച്ച് സംവദിക്കാന്‍ കഴിയുന്നതും അവനെ പുതിയ ഒരു ലോകത്ത് എത്തിക്കും ,പക്ഷെ ഈ സമയങ്ങളില്‍ അവനു ഇതിനുള്ള പക്വത വന്നിട്ടില്ല എന്നത് ഒരു മുടന്തന്‍ ന്യായം ആണ് ,ആ സമയത്ത് ആലോചിച്ചു തുടങ്ങിയാല്‍ ഏവരുടെയും ഭാവി വളരെ അധികം ശോഭനം ആയിരിക്കും എന്ന് തീര്‍ച്ചയാണ് ,ഓരോ ജോലിക്കും അതിന്റെ മഹത്വവും വിലയും ഉണ്ട്,എഞ്ചിനീയര്‍മാരെ കൊണ്ട് മാത്രം നമുക്ക് ജീവിക്കാന്‍ കഴിയില്ല. ലോകത്ത് എല്ലാ തരത്തിലുമുള്ള ആളുകള്‍ വേണം പക്ഷെ നമ്മുടെ ഏതു രംഗമായാലും അതില്‍ ഒന്നാമാനാകാന്‍ ശ്രമിക്കുക ,വിജയം നമ്മുടേതാണ്‌. അങ്ങനെ ഒരു നല്ല നാളെക്കായി കാതോര്‍ക്കാം.

എസ്.എസ്.എല്‍.സി കഴിഞ്ഞാല്‍....

2010-05-01T05:00:00.004+05:30

കമന്റ് ബോക്സ് തിരിച്ചുകൊണ്ടുവരുന്ന തിരക്കില്‍ ഒരു മിന്നായം പോലെ മിന്നിമറഞ്ഞ ഈ പോസ്റ്റ് കൂടുതല്‍ കമന്റുകള്‍ അര്‍ഹിക്കുന്നുവെന്ന് തോന്നിയതുകൊണ്ട് പുന:പ്രസിദ്ധീകരിക്കുകയാണിവിടെ...............
SSLC പരീക്ഷാഫലം മെയ് 3 തിങ്കളാഴ്ച പ്രസിദ്ധീകരിക്കുകയാണല്ലോ. കുട്ടികള്‍ക്കൊപ്പം രക്ഷിതാക്കളുടെ മനസ്സിലും ആധിയും ആവലാതിയും കൂടി പെരുമ്പറ മുഴക്കാന്‍ തുടങ്ങിക്കാണും!! കാരണം, അവരുടെ മുന്നിലെ അടുത്ത ചോദ്യം "ഇനി എന്ത് ?" എന്നതാണ്. വിദ്യാഭ്യാസ ജീവിതത്തിന്റെ പ്രധാനവഴിത്തിരിവില്‍ കുട്ടികളെത്തി നില്‍ക്കുമ്പോള്‍ പല രക്ഷിതാക്കളും ചോദിക്കാറുണ്ട് : ടീച്ചറേ, ഏതു കോഴ്സാണ് നല്ലത്? പ്ലസ് ടൂവിനു പോയാല്‍ ഏതെല്ലാം വിഷയങ്ങള്‍ എടുക്കണം? വെക്കെഷനില്‍ എന്തിനെങ്കിലും ചേര്‍ത്താലോ ? tallyക്ക് ചേര്‍ത്താല്‍ എങ്ങിനെയാ? PCയുടെ അടുത്ത് admission എന്ത് ചെയ്യണം ? ഇപ്പോഴേ ബുക്ക്‌ ചെയ്യണോ ? ഇങ്ങനെ സംശയങ്ങള്‍ അനേകമനേകം. ഇതെല്ലാം ചോദിക്കുമ്പോഴും അവരുടെ മനസ്സില്‍ ഒരു തീരുമാനം ഉണ്ടായിരിക്കും . എന്റെ "മകന്‍ /മകള്‍" ഒരു "ഡോക്ടര്‍ / എഞ്ചിനീയര്‍ "ആകണം. എന്നാല്‍ വിദ്യാഭ്യാസപരമായും സാമൂഹ്യപരമായും പിന്നോക്കം നില്‍ക്കുന്നവര്‍ എന്നും നമ്മുടെ സമൂഹത്തില്‍ ഉണ്ട് . അവര്‍ക്ക് മക്കളെ നല്ല നിലയില്‍ എത്തിക്കണമെന്ന ആഗ്രഹം ഉണ്ട് . എന്നാല്‍ അത് എങ്ങിനെ വേണം എന്നറിയില്ല . SSLC വരെ നല്ല നിലയില്‍ പഠിച്ചു. ഇനിയുള്ള പഠനം ഏതു തരത്തിലാകണം, ഏതെല്ലാം വിഷയങ്ങള്‍ എടുക്കണം , അവരുടെ ലക്‌ഷ്യം എന്തായിരിക്കണം , ...... ഇവയൊക്കെ നിര്‍ണയിക്കുവാന്‍ വിദ്യാര്ത്ഥികള്‍ക്കും രക്ഷിതാക്കള്‍ക്കും ഒരു സഹായഹസ്തമാകാന്‍ നമുക്ക് സാധിക്കുന്നുവെങ്കില്‍ ........................

മനുവും അച്ഛനും ഉണ്ടായ സംശയം "+2 വിനു ചേരുമ്പോള്‍ ഇഷ്ടമുള്ള വിഷയങ്ങള്‍ തിരഞ്ഞെടുക്കാമെന്നു പറയുന്നു അതെങ്ങിനെയാ ?ഏതെല്ലാം വിഷയങ്ങള്‍ ഉണ്ട് ? " കൂട്ടുകാരനായ വിനുവിന്റെ മറുപടി "COMPUTER SCIENCE, SCIENCE & MATHS, HUMANITIES,COMMERCE" ഇവയില്‍ ഏതെങ്കിലും എടുക്കാം. മനു : അതിനുശേഷം എന്തെല്ലാം പഠിക്കാം ? വിനു : അതിനെക്കുറിച്ച് എനിക്കും അറിയില്ല. എഞ്ചിനീയറിംഗ് ,എം ബി ബി എസ് , സി എ , എല്‍ എല്‍ ബി , നഴ്സിംഗ് ......ഇവയെല്ലാം ഉണ്ടെന്നറിയാം. മനു: അതിനെന്താണ് വേണ്ടത് ? എന്ത് പഠിക്കണമെന്ന് ഇപ്പോള്‍ തീരുമാനിച്ചലല്ലേ +2 വിന്റെ വിഷയങ്ങള്‍ തിരഞ്ഞെടുക്കാനാവൂ .....

സയന്‍സ് & മാത്‌സ് വിഷയങ്ങളോ കമ്പ്യൂട്ടര്‍ സയന്‍സോ എടുത്താലല്ലേ എന്‍ട്രന്‍സൊക്കെ എഴുതാനാകൂ. അക്കൌണ്ടിങ്ങും ബാങ്ക് ജോലികളും‍ ഇഷ്ടപ്പെടുന്നവര്‍ക്ക് കൊമേഴ്സ് എടുക്കാം. അപ്പോള്‍ ഹ്യുമാനിറ്റീസോ? ഏതെല്ലാം പേപ്പറുകളാണ് പഠിക്കാനുള്ളത്. എറണാകുളത്തെ സ്ക്കൂളിലുള്ള കൊമേഴ്സിലുള്ള പേപ്പറുകളല്ല ഇടപ്പള്ളി സ്ക്കൂളില്‍ പഠിക്കാനുള്ളതെന്ന്. അതെന്താ? കുട്ടിക്ക് ഒരു നൂറു സംശയമാണ്. ഇവരെ സഹായിക്കാന്‍ നമുക്കെന്തെല്ലാം ചെയ്യാം ???

എല്ലാ സ്ക്കൂളുകളിലും ഒരേ ഗ്രൂപ്പുകളില്‍ പഠിക്കാനുള്ളത് ഒരേ പേപ്പറുകളായിരിക്കണമെന്നില്ല. അതിനെക്കുറിച്ചുള്ള വിശദമായ വിവരങ്ങള്‍ ഓരോ ജില്ലയിലും വിതരണം ചെയ്യുന്ന (ചെയ്തിട്ടുള്ള) അപേക്ഷാ ഫോം അടങ്ങിയ ബുക്ക് ലെറ്റുകളിലുണ്ടാകും. എന്തായാലും ഇവിടെ ഓരോ ഗ്രൂപ്പിലേയും പേപ്പറുകളെ നമുക്കൊന്ന് പരിചയപ്പെടാം.

Click here to download the Higher Secondary Subject Combinations

അരുണാനന്ദ് എന്ന എഞ്ജിനീറിംഗ് വിദ്യാര്‍ത്ഥി അയച്ചുതന്ന വഴികാട്ടി (Pathfinder) ഇവിടെനിന്നും ഡൌണ്‍ലോഡ് ചെയ്തെടുത്ത് പ്രിന്റ്,സ്കൂള്‍ നോട്ടീസ് ബോഡില്‍ പതിപ്പിച്ചാല്‍, റിസല്‍ട്ട് വരുന്ന ദിവസം കുറച്ചുപേര്‍ക്കെങ്കിലും ഉപകാരപ്പെടില്ലേ..?

ഹയര്‍ സെക്കന്‍ററി പ്രവേശനം കാത്തിരിക്കുന്ന നമ്മുടെ വിദ്യാര്‍ത്ഥികള്‍ക്കായി കൂട്ടിച്ചേര്‍ക്കലുകള്‍ ആവശ്യമെങ്കില്‍ നല്‍കുമല്ലോ.

അവധിക്കാല കമ്പ്യൂട്ടര്‍ കോഴ്സുകള്‍

2010-04-20T04:55:00.003+05:30

ഏപ്രില്‍, മെയ് മാസം..കുട്ടികള്‍ ആഹ്ലാദത്തിമിര്പ്പിലാണ്. പുസ്തകങ്ങള്‍ക്കും പഠനമേശകള്ക്കും മുന്നില്‍ തളച്ചിടാന്‍ ആരും തങ്ങളെ നിര്‍ബന്ധിക്കില്ലെന്ന സന്തോഷത്തിലാണവര്‍. മറ്റൊന്നും പഠിക്കാന്‍ അവര്‍ തയ്യാറല്ല. എന്നാല്‍ ഐടി പഠിക്കാനാണെങ്കിലോ. കമ്പ്യൂട്ടര്‍ വിദ്യാഭ്യാസത്തെ മറ്റു വിഷയങ്ങളേക്കാള്‍ താല്പര്യത്തോടെയാണ് കുട്ടികള്‍ കാണുന്നതെന്നതിനാല്‍ത്തന്നെ ഐടി പഠിക്കാന്‍ അവരെപ്പോഴേ റെഡി! വീട്ടുകാര്‍ക്കും സന്തോഷം. കുട്ടിക്കും സന്തോഷം. അങ്ങനെ വേനലവധിക്കാലത്ത് വിദ്യാര്‍ത്ഥികള്‍ പലതരം കമ്പ്യൂട്ടര്‍ പഠനപദ്ധതികളില്‍ ചേരാന്‍ തയ്യാറാകുന്നു. ഈ അവസരം മുതലെടുത്തു കൊണ്ടു തന്നെ, മോഹിപ്പിക്കുന്ന പരസ്യവും അവകാശവാദവുമായി ഒട്ടേറെ സ്ഥാപനങ്ങളും സംഘടനകളും മത്സരിക്കുന്നു. എത് പഠനപദ്ധതിയാകും ഒരോരുത്തര്‍ക്കും ഇണങ്ങുക , എത്രയാകും ഫീസ്, എത്ര കാലദൈര്‍ഘ്യം വേണം എന്നിങ്ങനെ സംശയങ്ങള്‍ നിരവധിയാണ്. ഇതിനെല്ലാം ഒരു മറുപടിയാണ് ശ്രീ. വി. കെ ആദര്‍ശിന്‍റെ ഈ ലേഖനം. ഈ വെക്കഷന്‍ കാലം എങ്ങനെ ഫലപ്രദമായി വിനിയോഗിക്കണമെന്ന് വിശദമായ ഈ ലേഖനത്തിലൂടെ അദ്ദേഹം വിശദീകരിക്കുന്നു. നിങ്ങളുടെ കുട്ടിയോ കുടുംബത്തിലെ കുട്ടിയോ അതുമല്ലെങ്കില്‍ അടുത്തു പരിചയമുള്ള ഏതെങ്കിലും കുട്ടികളോ ഏറ്റവും മികച്ച കമ്പ്യൂട്ടര്‍ കോഴ്സുകളെപ്പറ്റി നിങ്ങളോട് ചോദിച്ചിട്ടുണ്ടാകാം. ഇല്ലെങ്കിലൊരു പക്ഷേ നാളെയെങ്കിലും ചോദിച്ചേക്കാം. എങ്കില്‍ ഒരു സംശയവും വേണ്ട, നിങ്ങള്‍ ഈ ലേഖനം വായിച്ചിരിക്കേണ്ടതാണ്.

അവധിക്കാല കമ്പ്യൂട്ടര്‍ പഠനത്തെ മൂന്നായി കാണാം. ഒന്ന് കമ്പ്യൂട്ടര്‍ എന്ന ഉപകരണത്തെ കൂടുതല്‍ അടുത്തറിയാനും ഭാവിയില്‍ അതുപയോഗിക്കുമ്പോള്‍ അയത്നലളിതമായി സമീപിക്കാനും വേണ്ടി പഠനം ഉപയോഗപ്പെടുത്തുക. രണ്ട് അടുത്തതായി ചേരാന്‍ പോകുന്ന പഠനപദ്ധതിക്ക് ഗുണകരമായ വിധത്തില്‍ ഇപ്പോഴെ തയാറെടുക്കാം ഉദാഹരണത്തിന് എഞ്ചിനീയറിംഗ്/ബി‌എസ്.സി എന്നിവയ്ക്ക് ചേരുന്നതിന് മുന്നെ എതെങ്കിലും ഒരു പ്രോഗ്രാമിംഗ് ഭാഷയില്‍ പരിചയം സിദ്ധിക്കുന്നത് സമീപഭാവിയില്‍ തന്നെ ഗുണം ചെയ്യും. മൂന്നാമത്തെ കൂട്ടരാകട്ടെ ഒരു തൊഴില്‍ കൂടി സ്വപ്‌നം കണ്ടാണ് അവധിക്കാല കമ്പ്യൂട്ടര്‍ പഠനത്തിന് തയാറെടുക്കുന്നത്. ഉദാഹരണത്തിന് കൊമേഴ്സ് ബിരുദധാരികള്‍ ടാലി പോലെയുള്ള അക്കൌണ്ടിംഗ് പാക്കേജുകള്‍ പഠിക്കുന്നത് സ്വദേശത്തും വിദേശത്തും എളുപ്പത്തില്‍ ജോലി നേടാന്‍ പ്രാപ്തമാക്കും.

ഇതുവരെ കമ്പ്യൂട്ടര്‍ പരിചയിച്ചിട്ടില്ലാത്തവരാണങ്കില്‍ എതെങ്കിലും ഒരു ഓപ്പറേറ്റിംഗ് സിസ്റ്റം (ഗ്നു ലിനക്സോ അല്ലെങ്കില്‍ വിന്‍‌ഡോസോ) ഒപ്പം ഒരു ഓഫീസ് പാക്കേജും പഠിക്കുക. ഇതിന് എകദേശം 40 മണിക്കൂറില്‍ താഴെവരുന്ന രണ്ടുമാസമോ ഒരു മാസമോ ദൈര്‍ഘ്യമുള്ള പഠനം മതിയാകും. പിന്നീടുള്ള ഉപയോഗമാണ് പഠിതാവിനെ പൂര്‍ണമായും സജ്ജമാക്കുന്നത്. അത് സാവധാനം സംഭവിച്ചുകൊള്ളും. ഇതിന് വലിയ പണച്ചിലവും ആകില്ല. ഓഫീസ് പാക്കേജ് എന്നതുകൊണ്ട് കത്തെഴുതാനും നോട്ടെഴുതാനും സഹായിക്കുന്ന വേഡ് പ്രോസസര്‍ ,ഒരു വിഷയം കമ്പ്യൂട്ടര്‍ സഹായത്തോടെ മറ്റുള്ളവര്‍ക്ക് പറഞ്ഞുകൊടുക്കാന്‍ സഹായിക്കുന്ന പ്രസന്റേഷന്‍ സോഫ്ട്‌വെയര്‍ ,കണക്കുകൂട്ടലുകള്‍ കാര്യക്ഷമവും എളുപ്പവും ആക്കുന്ന സ്പ്രെഡ് ഷീറ്റ് പരിചയപ്പെടല്‍ എന്നിവയാണ് ഉദ്ദേശിക്കുന്നത്. വിപണിയില്‍ ഓപ്പണ്‍ ഓഫീസ് എന്ന സ്വതന്ത്ര സോഫ്ട്‌വെയറും മൈക്രോസോഫ്ടിന്റെ ഓഫീസും ഉണ്ട് ഇതില്‍ ഒന്ന് പഠിക്കുക.

നിര്‍ദ്ദേശിക്കാനാകുന്ന മറ്റൊരു പഠനപദ്ധതി ഗ്നു/ലിനക്സിനെ അടുത്തറിയലാണ് .ഇന്ന് ലോകമാകമാനം സ്വതന്ത്ര സോഫ്‌ട്‌വെയര്‍ സംവിധാനങ്ങള്‍ക്ക് വലിയ ആവശ്യക്കാരാണുള്ളത്, ഒട്ടേറെ ലിനക്സ് അധിഷ്ഠിത ഓപ്പറേറ്റിംഗ് സിസ്റ്റം വിപണിയില്‍ എളുപ്പത്തില്‍ ലഭ്യമാണ് ഇതില്‍ എതെങ്കിലും ഒന്ന് പഠിക്കാം. പണച്ചെലവ് കുറയുമെന്നതും കൂടുതല്‍ പ്രവര്‍ത്തന സ്വാതന്ത്ര്യം നല്‍കുമെന്നതും ഗ്നു/ലിനക്സിനെ ആകര്‍ഷകമാക്കുന്നു.

നിലവില്‍ കമ്പ്യൂട്ടര്‍ ഉപയോഗിക്കാന്‍ അറിയാവുന്നവര്‍ക്ക് ഇന്റര്‍നെറ്റ് പഠിക്കാന്‍ ചേരാം. കേവലം പത്തുമണിക്കൂര്‍ പരിചയപ്പെടല്‍ തന്നെ ധാരാളം. മിക്ക കമ്പ്യൂട്ടര്‍ സ്ഥാപനങ്ങളും സൈബര്‍ കഫെകളും എല്ലാ സമയത്തും ഇത് പഠിപ്പിക്കുന്നുണ്ട്. അടിസ്ഥാനപരമായി ഒരു ബ്രൌസര്‍ ഉപയോഗിക്കാനും ഇ-മെയില്‍ വിലാസം എടുത്ത് കത്തിടപാടുകള്‍ ആരംഭിക്കാനും ഒപ്പം സര്‍ച്ചിംഗ് പരിചയപ്പെടാനും ഈ സമയം ധാരാളം പിന്നീട് ദൈനംദിന ജീവിതത്തിലെ പലരംഗത്തും ഇന്റര്‍നെറ്റ് ഉപയോഗിക്കേണ്ടിവരുമ്പോള്‍ മടികൂടാതെ സമീപിക്കാനും അപ്പോള്‍ കൂടുതല്‍ ഉപയോഗിക്കുക വഴി വിവരമഹാശൃംഖലയെ അടുത്തറിയാനും സാധിക്കും.

പ്രോഗ്രാമിംഗ് ഭാഷ പഠിക്കാന്‍ ചേരുന്നതിന് മുന്‍പ് അത് നമുക്ക് വേണോ എന്ന് ചിന്തിച്ച ശേഷം മാത്രം ചേരുക. ശാസ്ത്ര സാങ്കേതിക രംഗത്തും വെബ്ഡിസൈനിംഗ് രംഗത്തും ജോലിയെടുക്കാന്‍ ഉദ്ദേശിച്ചിട്ടുള്ളവര്‍ നിര്‍ബന്ധമായും എതെങ്കിലും ഒരു പ്രോഗ്രാമിംഗ് ഭാഷ പഠിക്കുക തന്നെ വേണം എന്നതും ഓര്‍ക്കുക. എന്നാല്‍ പേജ് ഡിസൈനിലും രൂപകല്പനയിലും ത്രിമാന ചിത്രീകരണത്തിലും കരിയര്‍ പടുത്തുയര്‍ത്താന്‍ ആഗ്രഹിക്കുന്നവര്‍ മധ്യവേനലവധി ക്ലാസിന്റെ ഭാഗമായി ഇപ്പോഴെ ‘സി’ പ്രോഗ്രാമിംഗ് പഠിക്കുന്നത് നല്ലതാണോ എന്നാലോചിക്കുക. എന്നാല്‍ ഗ്രാഫിക്സ് മേഖലയില്‍ എതാനും വര്‍ഷത്തെ പഠനപ്രവര്‍ത്തനങ്ങള്‍ക്കിടയില്‍ സ്‌ക്രിപ്ടിംഗുമായി പരിചയപ്പെടേണ്ടിവരും ആ സമയത്ത് സ്വാഭാവികമായി പ്രോഗ്രാമിംഗ് പഠിക്കാമല്ലോ. അതായത് കമ്പ്യൂട്ടറില്‍ ചിത്രം വരയ്ക്കാനും വീഡിയോ അനുബന്ധ ജോലികള്‍ , ദ്വിമാന-ത്രിമാന (2 ഡി-3 ഡി) ആനിമേഷന്‍ എന്നീ ജോലികളില്‍ താത്പര്യമുള്ളവര്‍ അതിനാവശ്യമുള്ള പാക്കേജുകള്‍ ഈ മേഖലയില്‍ പണിയെടുക്കുന്നവരുമായും അധ്യാപകരുമായും ചോദിച്ച് മനസിലാക്കിയ ശേഷം ഉചിതമായ കോഴ്സില്‍ നല്ല ഒരു കമ്പ്യൂട്ടര്‍ വിദ്യാഭ്യാസ സ്ഥാപനത്തില്‍ ചേരുക. ഇത്തരം കരിയറില്‍ ചേരുന്നയാളിന്റെ സര്‍ഗശേഷി തന്നെയാണ് വിജയത്തിന്റെ താക്കോല്‍ എന്നത് അറിയാമല്ലോ.

ഡി‌ടി‌പി കോഴ്സുകളും അവധിക്കാല പഠനത്തിന്റെ ഭാഗമായും അല്ലാതെയും എറെ ആവശ്യക്കാരുള്ളതാണ്. പെട്ടെന്ന് ഒരു ജോലി പ്രാദേശികമായി തന്നെ ലഭിക്കാനും ഡിടിപി പഠനം ഉപകരിക്കും. ഒന്നിലധികം വേഡ് പ്രോസസര്‍ (പേജ് മേക്കര്‍ ഉള്‍പ്പടെ), അത്യാവശ്യം ചിത്രപ്പണികള്‍ ചെയ്യാന്‍ പ്രാപ്തമാക്കുന്ന (ജിമ്പ്,കോറല്‍ ഡ്രോ, ഫോട്ടോഷോപ്പ്) പാക്കേജുകള്‍ ഡിടിപി പഠനത്തിന്റെ ഭാഗമാണ്. മലയാളം ടൈപ്പിംഗിലോ മറ്റോരു പ്രാദേശിക ഭാഷാ ടൈപ്പിംഗോ വശമാക്കുന്നത് തൊഴില്‍ കമ്പോളത്തില്‍ ഡിടിപി ഓപ്പറേറ്ററുടെ മൂല്യം വര്‍ധിപ്പിക്കും.

നിലവില്‍ കമ്പ്യൂട്ടറും ഇന്റര്‍നെറ്റും നന്നായി ഉപയോഗിക്കാന്‍ അറിയുന്ന ചിലര്‍ക്കെങ്കിലും വെബ് സൈറ്റ് രൂപകല്‍‌പനയില്‍ താത്പര്യമുണ്ടാകും. ഇന്ന് കണ്ടന്റ് മാനേജ്മെന്റ് സിസ്റ്റത്തിനെ (CMS) വരവോടെ ആകര്‍ഷകമായ ഒരു വെബ്സൈറ്റ് നിര്‍മിക്കുന്നത് അത്രയേറേ സങ്കീര്‍ണമായ ഒരു ഏര്‍പ്പാട് ഒന്നുമല്ല, ആകര്‍ഷകമായി വിവരങ്ങള്‍ വിന്യസിക്കാനും മേമ്പൊടിയായി അല്പം സൌന്ദര്യബോധവും കൂടിയുണ്ടെകില്‍ നല്ല വെബ്പേജുകള്‍ നിര്‍മ്മിച്ചെടുക്കാം. ജൂമ്‌ല, വേഡ് പ്രസ്, ഡ്രുപാല്‍ എന്നിവ ഇക്കാലത്ത് വ്യാപകമായി ഉപയോഗിക്കുന്ന CMSകളാണ് .ഫ്ലാഷ് തുടങ്ങിയ പാക്കേജുകള്‍ പഠിക്കുന്നത് വെബ്‌സൈറ്റുകള്‍ നിര്‍മ്മിക്കാന്‍ മാത്രമല്ല ആകര്‍ഷകമായ പ്രസന്റേഷന്‍ ,പഠന വിഭവ സിഡി കള്‍ എന്നിവ രൂപപ്പെടുത്താനും പഠിതാവിനെ സഹായിക്കും.

ഐ‌ടി‌ഐ /പോളിടെക്നിക്ക് പോലുള്ള സാങ്കേതിക പഠനത്തില്‍ എര്‍പ്പെടാന്‍ ഉദ്ദേശിക്കുന്നവര്‍ക്കും അത് പാസായി നില്‍ക്കുന്നവര്‍ക്കും. കാഡ്,പോജക്‍ട് മാനേജ്മെന്റ് എന്നിവ പഠിക്കുന്നത് ഉചിതമാണ് എന്നാല്‍ ഇത് ഒരു അവധിക്കാല പഠനമായി കാണേണ്ട മറിച്ച് അവധിക്കാലത്ത് ആരംഭിക്കുന്ന പഠനമായി കണ്ടാല്‍ മതി. കാഡ് (കമ്പ്യൂട്ടര്‍ എയ്ഡഡ് ഡിസൈന്‍ ) രംഗത്ത് പഠനം മാത്രമല്ല അതിന് ശേഷം ലഭിക്കുന്ന സര്‍ട്ടിഫിക്കറ്റും നിര്‍ണായകമാണ് അതിനാല്‍ അംഗീകൃത സ്ഥാപനമാണോ എന്ന് ഉറപ്പാക്കിയ ശേഷം മാത്രം ചേരുക.

എവിടെ പഠിക്കണം എന്നതും അവധിക്കാലത്ത് പ്രസക്തമായ ചോദ്യമാണ്. ഇക്കാലത്ത് പലവിധ പരസ്യങ്ങളുമായി സ്വകാര്യസ്ഥാപനങ്ങള്‍ മത്സരിക്കുകയാണ്. അവരുടെ അവകാശവാദങ്ങളില്‍ വീഴാതെ അവിടെ പഠിച്ചവരുമായി ആശയവിനിമയം നടത്തിയും ഒരു പ്രാവശ്യം ആ സ്ഥാപനത്തില്‍ നേരിട്ട് പോയി അന്വേഷണം നടത്തി നമുക്കാവശ്യമുള്ള പഠനം നമ്മള്‍ ഉദ്ദേശിക്കുന്നരീതിയില്‍ അവിടെ നടത്താന്‍ സാധിക്കുമോ എന്നും ഉറപ്പാക്കിയ ശേഷം ചേരുക. വലിയ ഫീസും കൊടുക്കുകയും ബഹുവര്‍ണ സര്‍ട്ടിഫിക്കറ്റ് സമ്പാദിക്കുകയും അല്ല ഒരു വേനലവധി ക്ലാസില്‍ നിന്നും നമ്മള്‍ നേടേണ്ടത് കമ്പ്യൂട്ടറിനെയും അതിലുപയോഗിക്കുന്ന സോഫ്‌ട്‌വെയറിനെയും പരിചയപ്പെടുകയും കൂടുതല്‍ മനസിലാക്കാനും ഈ അവസരം പ്രയോജനപ്പെടുത്തണം. പോളിടെക്‍നിക്,എഞ്ചിനീയറിംഗ് കോളെജുകള്‍ ,സര്‍വകലാശാലകള്‍ എന്നിവയുടെ തുടര്‍വിദ്യാഭ്യാസ കേന്ദ്രങ്ങള്‍ ഒപ്പം ഗ്രാമീണ ഗ്രന്ഥശാലകള്‍ എന്നിവയും അവധിക്കാല കമ്പ്യൂട്ടര്‍ പഠനപദ്ധതിയുമായി സജീവമാണ് ഇതും പ്രയോജനപ്പെടുത്താം.
.................................................................................................
ഇന്ന് ഐടി രംഗത്ത് പ്രവര്‍ത്തിക്കുന്നവര്‍ക്കിടയില്‍ പ്രത്യേകിച്ചൊരു പരിചയപ്പെടുത്തല്‍ ആവശ്യമില്ലാത്ത വ്യക്തിയാണ് ശ്രീ.വി.കെ.ആദര്‍ശ് . പാലക്കാട്ടു നടന്ന ഹരിശ്രീ വെബ്പോര്‍ട്ടലിന്‍റെ ഏകദിന ശില്പശാലയ്ക്കിടയിലാണ് ഞങ്ങളുടെ ബ്ലോഗ് ടീം അംഗങ്ങള്‍ ഇദ്ദേഹത്തെ ആദ്യമായി പരിചയപ്പെടുന്നത്.മാത്സ് ബ്ലോഗ് സ്ഥിരമായി ശ്രദ്ധിക്കാറുണ്ടെന്നഭിപ്രായപ്പെട്ട അദ്ദേഹം, ബ്ലോഗിന്റെ ഉന്നതിക്കാവശ്യമായ ഒട്ടേറെ നിര്‍ദ്ദേശങ്ങളും തന്നു. ഈ ചെറുപ്രായത്തിലേ കേരളാ ഊര്‍ജസംരക്ഷണ അവാര്‍ഡ് (2007) ഉം ശാസ്ത്ര പത്ര പ്രവര്‍ത്തനത്തിന് സംസ്ഥാന സര്‍ക്കാര്‍ നല്‍കുന്ന അവാര്‍ഡും (2009) ലഭിച്ചിട്ടുണ്ട്‌. ഇതിനോടകം അഞ്ച് പുസ്തകങ്ങള്‍ പ്രസിദ്ധീകരിച്ചു. കൊല്ലം യൂനുസ് കോളജ് ഓഫ് എന്‍ജിനീയറിംഗില്‍ ലക്‍ചറര്‍ ആയിരുന്നു. ഇപ്പോള്‍ യൂണിയന്‍ ബാങ്കിന്റെ കൊച്ചി മേഖലാ ഓഫീസില്‍ മാനേജറാണ്(ടെക്‍നിക്കല്‍)അദ്ദേഹം.